繼續同史友們探討一啲有趣嘅歷史謎題,眾所周知早喺戰國時期,燕、趙、秦等國為咗防止匈奴南下入侵,都紛紛喺自己嘅國界建造咗好多段長城,而呢啲長城直到秦國統一六國之後先至被連接起嚟。而如果史友們曾經去過長城參觀,可能都會留意到,其實長城嘅城牆並唔算太高,如果敵人想翻牆入侵並唔係一件難事。咁到底咁矮嘅城牆又係咪真係可以防止外敵呢?
長城嘅城牆由於都係興建喺荒郊山嶺之上,興建之時大多都係就地取材,所以只能夠起到牆面唔高嘅夯土牆,喺防止「人」進攻方面自然效用唔算太大。之不過,其實長城城牆真正要防嘅並唔係人,而係要防「騎兵」。事關對於遊牧民族而言,佢哋之所以可以馳騁沙場,正正就係因為機動性極高嘅馬匹,只要馬匹嘅功用無法發揮,守城嘅一方自然更加有利。
原圖嚟自網絡
評論:
共0 條評論